5 ديسمبر 2024

اوگف يا زمن ارجوك ..... بقلم إبراهيم المحجوب نشر منذ 3 اسابيع - عدد المشاهدات : 29

 

اوگف يازمن ارجوك

                            خلي انعيدها من اسنين 

اوگف لاتهيض إجروح

                                   دفَنا اعزازنا الغالين

اوگف وادري بيك اتدور

                                  واحنا وياك متلاوين

تلوينا بقساوة موت

                                واحنا بفرح متونسين

نتحمل فقر وهموم

                                انگول بيوم شبعانين

ومن خيم علينا الليل

                            وناسه وحيل مرتاحين

وليل وسهر مابي نوم

                             ومثل الصغار ملهوفين

واندور عالصبح فزات

                              اخذنا النوم مجبورين

ماظل كل حلم للناس

                            وبس الموت منتظرين

دنيا وماوراها موت

                             چنها  احلام فرحانين

راحت مانحسب نجوم

                            لان صار الوكت نصين

نهار تخلصا بالحسرات

                           ويجيك الليل متعوبين

وأفكار مشتته بكل بيت

                          وچثير بيوت معدومين

اوگف يازمن لحظات

                  لأيام الطفوله شكثر مشتاگين

هناك ويم غدير الماي

         وعلى صوت الرعد للمزن مكشوفين

وبعشبة ربيع امشغل الكاسيت

                            بربابة وناي مطروبين

وعلى جرف النهر ملاية الماي

                يدغدغ بالگلوب العشگ مرتين

اوگف لاتضيع افكار

             مدارسنا ثقافة مشيدة من الطين

طفولتنا حلم وان راح معد يعود

              مثل حلم الارامل ترجع الميتين

الزارع سفرجل ماحصد خرنوب

           وابو گليب العذب ماحصد طيبين

خل نكتب قصيدة والزمن محسوب

               وكل اهل القرى بالشعر معنيين

من قصة عشگهم شِهدت الگاع

             ابد مابي دغش بگلوب متصافين

ومن طيبة اهلهم وََرََد القداح

            ومن جودة كرمهم عرب شبعانين

وداعا للحويجه البيها دبچات

    وعلى صوت الطبل خل تدبچ الصوبين

جبناها فرح ما نعرف العريس

                   دبچناها ولاندري الكُبر وين

گضينا الصيف فوگ الرمل علماي

                   ونعبر سبح  ليذيچ البساتين

وداعاً ياطفولة بريحة المشراگ

                    وداعاً للطفولة بجرية العين

༺༺༻༺༻༻